شیخ الحدیث مولانا ارشاد الحق اثری حفظہ اللہ

برصغیر میں محدثین کی جس زنجیر نے علومِ حدیث، اسماء الرجال اور تحقیقِ نصوص کی خدمت انجام دی، عصرِ حاضر میں اس کا معتبر حوالہ شیخ الحدیث علامہ ارشاد الحق اثری حفظہ اللہ ہیں۔ آپ حافظ محمد گوندلویؒ کے ممتاز تلامذہ میں شمار ہوتے ہیں اور حدیث، جرح و تعدیل اور فقہِ حنفی و تقابلی فقہ پر گہری نظر رکھتے ہیں۔

نام ارشاد الحق بن حاجی غلام رسول ہے۔ ۱۹۴۸ء/۱۹۴۹ء (۱۳۶۸ھ) میں چک ۷۲/۷-آر کچھی والا، تحصیل فقیر والی، ضلع بہاولنگر میں پیدا ہوئے۔ دو برس کی عمر میں خاندان چک ۲۴، منڈی لیاقت پور (ضلع رحیم یار خان) منتقل ہو گیا جہاں زراعت و کاروبار شروع کیا۔

والد محترم مڈل پاس، تلاوت کے پابند اور تہجد گزار تھے۔ خاندان ابتدا میں بریلوی تھا، مگر والد صاحب مولانا مودودیؒ کی کتب کے مطالعے اور علمائے دیوبند سے تعلق کے باعث دیوبندی مسلک سے وابستہ ہو گئے۔

۱۹۶۱ء میں بارہ برس کی عمر میں لیاقت پور سے مڈل پاس کیا اور مولوی عبد الحفیظ سے قرآن پڑھا۔ پھر مدرسہ قاسم العلوم لیاقت پور میں داخل ہوئے، جہاں دو سال میں مولانا محمد بشیر اور مولانا محمد حیات سے فارسی، صرف و نحو، «قدوری» اور «تیسیر المنطق» پڑھیں۔

مفتی عبد الرحمن صاحب کے مشورے پر والد صاحب نے آپ کو جامعہ سلفیہ فیصل آباد بھیجا۔ ایک سبب یہ بھی تھا کہ والد صاحب کو حافظ محمد گوندلویؒ کی زیارت سے روحانی تسکین ملی تھی اور وہ چاہتے تھے کہ بیٹا ان سے فیض پائے۔

۱۹۶۴ء میں جامعہ سلفیہ میں داخلہ لیا، اس وقت آپ حنفی تھے۔ اساتذہ نے کبھی مسلک بدلنے کا دباؤ نہیں ڈالا۔ گھر والوں نے نیموی کی «آثار السنن» پڑھنے کو دی تو ناظمِ جامعہ شیخ ابو حفص عثمانی نے ساتھ «ابکار المنن» پڑھنے کا مشورہ دیا۔

«ابکار المنن»، «تحفۃ الاحوذی» اور «عون المعبود» کے تقابلی مطالعے سے تیسرے سال آپ نے دلائل کی بنیاد پر مسلکِ اہل حدیث اختیار کیا۔ اسی تعلق سے بعد میں «ابکار المنن» کی اشاعت پر آپ نے قیمتی مشورے دیے۔

۱۹۶۷ء میں حافظ محمد بنیامینؒ کے ساتھ جھوک کٹو (تاندلیانوالہ) گئے اور ایک سال صحیح مسلم، سنن ابی داود، سنن دارقطنی اور قطبی پڑھیں۔

۱۹۶۸ء میں جامعہ اسلامیہ گوجرانوالہ میں حافظ محمد گوندلویؒ سے صحیح بخاری، خلاصۃ التفسیر، مقدمہ ابن الصلاح، التوضیح والتلویح، سلم العلوم، شرح عقائد نسفی اور سراجی پڑھیں، اور مولانا ابو البرکات احمد مدراسیؒ سے «الہدایہ»۔ تقریباً ۱۹۶۹ء میں سندِ فراغت حاصل کی۔

۱۹۶۸ء میں چھ اکابر علماء — مولانا عبد اللہ لائلپوری، میاں محمد اسحاق چیمہ، مولانا محمد عبدہ الفلاح، حافظ احمد اللہ بڈھیمالوی، مولانا محمد حنیف ندوی اور مولانا محمد اسحاق بھٹی — نے فارغ التحصیل علماء کے تخصص کے لیے ادارہ قائم کرنے کا فیصلہ کیا۔ مولانا حنیف ندویؒ کی تجویز پر نام «ادارہ علومِ اثریہ» رکھا گیا تاکہ یہاں کے فضلاء «اثری» کہلائیں۔

۱۹۶۹ء میں آپ نے یہاں مولانا عبد اللہ لائلپوری اور مولانا عبدہ الفلاح سے استفادہ کیا، پھر مستقل فیصل آباد میں مقیم ہو گئے۔ آج آپ ہی اس ادارے کے سربراہ ہیں۔

«أخي وخليلي، الشيخ المحقق، المشهور بين العلماء والمحدثين وطلبة العلم في عصرنا، المحدث إرشاد الحق الأثري حفظه الله من كل سوء وفتنة»

میرے بھائی اور دوست، ہمارے دور کے علماء، محدثین اور طلبہ میں معروف محقق، محدث ارشاد الحق اثری۔

علامہ محدث حافظ ارشاد الحق اثری اپنے علم، تحقیقِ کتب، تصانیف و محاضرات، دفاعِ حدیث و اہلِ حدیث اور منکرینِ سنت کے شبہات کے رد میں معروف ہیں؛ اہلِ رائے کے اصولوں کا منہجِ محدثین سے تقابل اور تصحیح و تضعیف میں ان کے تضادات کی وضاحت بھی ان کا امتیاز ہے۔

استاذِ کبیر، علامہ ارشاد الحق اثری پاک و ہند کے کبار علمائے اہل حدیث میں سے ہیں؛ خدمت و دفاعِ سنت اور منہجِ سلف کی نصرت میں ان کی عظیم مساعی ہیں۔

اس دور کے کبار محققین و مصنفین میں سے ہیں؛ حدیث، اسماء الرجال، فقہ و اصولِ فقہ پر وسیع اور فقہِ حنفی پر نہایت وسیع نظر رکھتے ہیں۔

اس دور کے جید علمائے حدیث میں سے۔

آپ سے ملاقات کے موقع پر «سیر اعلام النبلاء» پر شیخ کے تمام حواشی کی نقل حاصل کی۔